Minyak Goréng

Minyak Goréng Mawa Apes. Pangalaman munggaran maok, BJ (29) warga Kp. Cibodas RT 3 RW 1, Désa Cikahuripan, Kec. Lembang, Kab. Bandung Kulon, malahan digagalkeun minyak anu bahe di lanté salah sahiji warung. Manéhna tikoséwad, waktu nempo nu boga warung. Mangka, teu hiji-hiji acan barang anu junun dijarah. Sabalikna, manéhna kudu ngaringkuk di tahahan Polsek Lembang, Jum'at (24/7).

Dumasar pangakuan BJ ka pulisi, awalna manéhna lieur ku desekan sambetan ka mitoha na. Ku alatan éta, manéhna nyokot jalan pintes ambéh bisa ngalunasan sambetanana. Nempo kesuksesan warung kolontong  Muhammad (23) anu sok ramé, mangka BJ ogé ngincer éta warung. Poé salasa (21/7), manéhna mimitian ngalakonan rencanana babarengan dua baturna, AB (19) sarta MP (32), ogé tatanggana, Maranéhanana nyusun strategi pikeun moncor "pertahanan" warung di Kp. Kancah RT 1 RW 14, Désa Cihideung, Kec. arongpong, Kab. Bandung Kulon.

BJ cukup kreatif kalayan ngabolongan kupluk panutup sirah bogana, ambéh jiga topeng anu nutupan satengah bagian beungeutna. Sanggeus éta, samurai anu biasana dipajang dina dingding imah pikeun samentara dijadikeun properti minangka kelengkapan keur aksina. Nyanghareupan Rebo (22/7) wanci kasubuhnakeun , BJ ngencarkeun aksina babarengan kadua baturna. Topeng sarta samurai teu poho dibawa. Manéhna ogé  ngalengkah kaluar imah, kalayan maké sandal ipis has sémah hotél. Sanepi ka di tempat udagan operasi, BJ maju leuwih tiheula. Manéhna ngetrok panto warung, sedengkeun AB sarta MP nungguan kaayaan di luar warung. Tapi, waktu BJ nincakeun suku di warung eta, nasib malang tumibana. Sandal hotélna nincak lanté anu leueur alatan sésa minyak. Manéhna ogé teu bisa nahan beurat awakna, nepi ka pamustunganana murag tisoledat. Muhammad tacan ngalakonan ngalawan naon waé. Tapi, BJ langsung lumpat sabalang-bentor ninggalkeun topengna di warung kasebut.

Selang sapoé ti harita, Kemis (23/7), BJ sarta AB junun ditéwak Unit Reskrim Polsek Lembang di imahna séwang-séwangan. Samentara éta, MP asup dina daptar pencarian orang (DPO). Nurutkeun Kapolsek Lembang Ajun Komisaris Sutarman, duanana dipeunteun ngarémpak pasal 365 KUH Pidana jeung anceman hukuman salapan warsih panjara. Nasib...nasib....! (Nivianti Nurulliah/"PR")***